جمعت لكم هنا بعض من شخصيات الحريم بعد تحليل شخصياتهم<<<<<يعني كيف تفهم واحد نفر قدامك
وهذه الخلاصه توصلت لها في اثناء الزيارات النسائيه
يالله نبدأ ؟؟؟
.
.
.
.
يالله.
.
.
النوع الاول:المداحات:
هذا النوع من الحريم طوال جلستها بس تمدح في بناتها(يطبخن..مؤدبات..محتشمات....من يجون من المدرسه ما ادري عن المطبخ
مالهن صوت!!.....الخ )
يعني اخطبوهن بصريح العباره! وانا لاانكر اهمية هذي الطريقه للدعايه....لكن قليل حيا وكرامه ياهووووو !!!!
النوع الثاني:المتذمرات<<<<العكس تماما<<<<وهذي امي...بس مو قدام الحريم......بس لنا حنا بناتها....هلكت ابو جدنا خخخخخخخخخخخ
الله يعطيها الصحه والعافيه ويطول لنا في عمرها>>>>>>>>ماكني شطحت؟؟؟
المهم....طول الجلسه تسب وتشتم في جيل هالوقت اللي مايعرفن يطبخن و ترتيب غرفهن على الشغاله
وعلى قولتها"اشوى ان الوضوء ماينفع يقوم به غيرك ولا كان وكلتي الشغاله تتوضى عنك!!!!!!!!
ومن ضمن الشتايم....مايسمعون الكلام...يحبون الخساير....دولابهم مليان ملابس ويقولون ماعندنا...طويلات لسان
وطبعا الاسطواااانه الداااائمه:الله يرحم زمان اول..يوم كنا نشرب من البير ونطحن بالرحى...ونكنس الحوش بمكنسة القش
واللي اكثر شباب منها شوي تقول:يوم انا كبركم عندي ثلاث عيال ولاشغاله ولا شي
ولا في حفاضات ....واذا جونا ضيوف اطبخ الذبيحه بكبرها لحالي...و...و
واللي اشبّ منها شوي تقول:جبت ثلاث من عيالي وانا ادرس وتخرجت وصرت مدرسه ولا احد ساعدني
ارجع من المدرسه اطبخ وانظف البيت وادرّس العيال وتحملت المسؤليه..الخ............وهلّم قرررررررر
النوع الثااالث :الممراض:
من اول ماتشوفينها وهي تشتكي،عظامي توجعني،مانمت امس الليل من راسي...اونس خدار في رجلي
حارق في كبدي!!!!
وسبحان الله ماعمرها قالت الحمد لله..انا اليوم احسن، تسالينها:
ها يا خاله بشريني عنك اليوم ..تقول:حالي ماتسر عدو ولا صديق..طلع لي شي جديد..........
ابلشت زوجها وعيالها بالمستشفيات والادويه....موسوسه مسكينه<<<<<<الله يشافيها ولا يبتلينا
النوع الرابع :استشارية طب العائله،طبيب شعبي على غفله!<<<<<وهذي فيها من امي شويات قليلات خخخخخخخخخخخ
اي مرض او شكوى او اصابه كلها عندها لها حلول....مابين المره والصبر والشبه والكمون....هذا غير التمريخ
حتى اللي عندها هبوط في الاسهم عندها لها حل...تقولها:ادهني اسهمك بوازلين مخلوط بنعناع مطحون بيطيب
ههههههههههههههههههههههههههههه<<<<<<<هذي قويه ههههههههههههههههه
النوع الخامس :المصابه برهاب العين والحسد والسحر...
كل كلمه والثانيه ماشاء الله تبارك الله...ومستحيل تمدح بيتها او زوجها او عيالها او شغالتها قدام الحريم
ودااائما عيالي مرضىوهي طول اليوم مريضه!!!!<<<<<كم مره نشوفها في السوق اسرع من الحصان "اللهم لاحسد"
لازم تاخذ اثر من الجميع لاستخدامه عند اللزوم....يا نوى تمر او غسول فناجين ...او....او
الحياه معها كدر وشوفتها تجيب الهم!!نقص توكل ومرض نفسي......والحد لله على العافيه
النوع السادس :الملقوفات...
اما هذا النوع...فتجده في كل جلسه تقريبا<<<<<<لو توظفت في الاستخبارات اصرف لها
تجلس تحقق مع كل وحده:كم راتب زوجك؟ كم كاس رز تطبخون عالغدا؟وين رحتوا امس بالليل
ليه ماتسافرون في الاجازه؟تقولين لها ظروف....تسال وش هي ظروفكم!!!!!!!! ماديه او زوجك مايرضى؟؟
...واكيد في غير هذي الشخصيات....بس هذا اللي قدت اجمعه لكم...
ياالله.انشاء الله مانصير نسخه من هذول الشخصيات....يعني لو اخذنا من كل وحده شويه ماهناك مشاكل
........
تحيااااااتى